Израиль қандай Сирияны қалайды?

ParsToday – The Wall Street Journal сионистік режимнің Сирияда іріткі салу мен бөлу әрекеттерін әшкереледі.

Wall Street Journal хабарлауынша, Израиль режимі сириялық друздарды Дамаскідегі жаңа үкіметті қабылдамауға көндіргісі келеді. ParsToday агенттігінің ISNA-ға сілтеме жасап хабарлауынша, бұл хабарда режим бұл мақсатқа жету үшін миллиардтаған доллар жұмсауды көздеп отыр. Қауіпсіздік сарапшыларының көзқарасы бойынша бұл Сирияда іріткі салуды және бөлінуді мақсат ететін әрекет.

Wall Street Journal газетінің хабарлауынша, Израиль режимі сонымен қатар басып алынған Палестинамен шекаралас оңтүстік шекаралық аудандарда қарусыздандырылатын автономды этникалық аймақтардың федералды жүйесі түріндегі Сирияда жаңа мемлекет құру идеясына әлемдік державаларды лоббирлеуде.

Бұған дейін Израиль премьер-министрі Биньямин Нетаньяху Сирияның оңтүстігін демилитаризациялауға шақырған болатын.

Сарапшылардың пікірінше, сионистік режимнің көзқарасы Сирияны әлсіз және оқшауланған күйде ұстау.

Бұл хабарға қарағанда, Дамасктегі жаңа биліктің федералдық жүйені қабылдауы екіталай болғанымен, Израиль режимі талпыныстарын жалғастыруда. Асад үкіметі құлағаннан кейінгі үш айдың ішінде Израиль қару-жарақ елдің жаңа билігінің қолына түсіп кетпеуі үшін Сирияның әскери инфрақұрылымын нысанаға алды.

Сонымен қатар, Сирияның кейбір тайпаларының басшылары сионистік режимнің мақсаты Сирияның көбірек жерін басып алу екеніне алаңдаулы. Олардың айтуынша, режим қазіргі уақытта Сирияның басып алынған аумақтармен шектесетін үш провинцияның бірі Кунейтра провинциясын іс жүзінде бақылауында.

Тіпті Сириядағы друздар қауымдастығының кейбір жетекшілері Израильдің ұзақ мерзімді аймақтық мақсаттары Сириядағы одан әрі тұрақсыздыққа әкеліп соғады және оның ішінде терең алауыздықтар мен топтар құрып, шекарада шиеленіске әкелуі мүмкін деп алаңдайды.