БҰҰ: Газада барлығы, соның ішінде өмір аяқталып келіп жатыр
ParsToday - Біріккен Ұлттар Ұйымының гуманитарлық істерді үйлестіру басқармасы Газа секторында барлығы, соның ішінде көмек, уақыт және өмір таусылып жатқанын хабарлады.
БҰҰ гуманитарлық істерді үйлестіру басқармасының баспасөз хатшысы Йенс Лерке: «Израиль режимінің Газадағы әрекеттері айуандық қылмыс болып табылады» деді. ParsToday ақпарат агенттігінің хабарлауынша, ол Женевада өткен баспасөз мәслихатында: «Газада адам өмірі мен қадір-қасиетіне ашық түрде немқұрайлылық танылуда», - деп атап өтті.
БҰҰ-ның Гуманитарлық істерді үйлестіру кеңсесі өкілінің айтуынша, Израиль режимінің Газа тұрғындарын күн сайын мәжбүрлеп көшіру туралы бұйрықтарымен отбасылардың аман қалу мүмкіндігі азайып барады. Сонымен бірге БҰҰ-ның Адам құқықтары жөніндегі жоғарғы комиссары Израиль режимін Газадағы палестиналықтарды күштеп көшіру арқылы халықаралық құқықты бұзды деп айыптады.
18 наурыздан бері Израиль режимі Газа секторының әртүрлі аймақтарына жаппай шабуылдарын қайта бастап, бейбіт тұрғындарды нысанаға алуда. Бұл шабуылдар режим тарапынан Газа секторындағы атысты тоқтату келісімін бұзу болып саналады. Бұл жоғарыда аталған атысты тоқтату келісімі өткен қаңтарда АҚШ, Мысыр және Катардың арағайындығымен жасалған.
Құдстың басқыншы режимі 2023 жылдың 7 қазанынан Газа секторында палестиналықтарға қарсы жаппай қырғын операциясын бастады, нәтижесінде 163 мыңнан астам палестиналық шәһид болып, жараланды. Ресми дереккөздердің хабарлауынша, бұл шабуылдардан зардап шеккендердің көпшілігі әйелдер мен балалар. Бұл шабуылдардың салдарынан 14 мыңнан астам адам із-түссіз жоғалды.
