Газада 211 журналист өлтірілді
ParsToday: Біріккен Ұлттар Ұйымының басып алынған аумақтардағы адам құқықтары жөніндегі басқармасы жұма күні Палестинада журналистерді өлтіру үрдісінің артуы туралы ескерту жасап, Израильдің Газа секторына қарсы соғысы басталғалы бері аймақта 211 журналистің қаза тапқанын хабарлады.
Біріккен Ұлттар Ұйымының басып алынған аумақтардағы адам құқықтары жөніндегі кеңсесі Дүниежүзілік баспасөз бостандығы күніне орай мәлімдеме жасап: «2023 жылдың 7 қазанынан бері Израиль режимінің Газаға жасаған шабуылдары кезінде кемінде 211 журналист, оның ішінде 28 әйел қаза тапты»,- деп жариялады. ParsToday агенттігінің хабарлауынша, басып алынған аумақтардағы БҰҰ-ның адам құқықтары жөніндегі кеңсесі бұл мәлімдемеде: «Израиль армиясының журналистерді мақсатты түрде нысанаға алғанының елеулі белгілері бар. Егер дәлелденсе, соғыс қылмысы болуы мүмкін әрекет»,- деп баса айтты.
Кейбір ұсталған журналистер жауап алу кезінде көрген азаптаулар, жыныстық қудалаулар мен қорлаулар туралы да айтты.
БҰҰ Израиль режимінің шетелдік журналистердің Газаға кіруіне тосқауыл қоюын сынап, аймақта қалған жалғыз палестиналық журналистердің өздері соғыс құрбандары екенін баса айтты. Ұйым сонымен қатар Иордан өзенінің батыс жағалауы мен Құдстың шығыс бөлігінде БАҚ-тың қысымы туралы ескертті.
Біріккен Ұлттар Ұйымы бұл әрекеттерді айыптай отырып, журналистерді өлтіруді, қамауға алуды және қорқытуды дереу тоқтатуға шақырды және бұл әрекеттерге жауаптылар халықаралық институттар мен үшінші тарап үкіметтері алдында жауап беруі керектігін баса айтты.
Соңғы статистикалық мәліметтерге қарағанда Израиль режимінің Газаға жасаған шабуылдары кезінде 52 мың 400-ден астам палестиналық шәһид болды, олардың көпшілігі әйелдер мен балалар.
Өткен қараша айында Халықаралық қылмыстық сот Израиль премьер-министрі мен режимнің сол кездегі соғыс министрін Газада әскери қылмыс жасады деген айыппен қамауға алу туралы бұйрық шығарды.
