Ливан Хизболласы сионистердің позицияларына қарсы бір күнде 61 операция өткізуімен рекорд орнатты

ParsToday-дің хабарлауынша, Ливандағы Хизболла сарбаздары сионистерге қарсы «Әл-Асф әл-Макул» шайқасында 63 операция жүргізді, оның 61-і жексенбіде іске асырылды.

Хизболла жексенбіде сағат 00:10 минуттан бастап Тайибаның  оңтүстігіндегі Махиибат тауындағы жау әскерлерін нысанаға алу арқылы операцияларын бастады.

Хизболла жексенбідегі операциялар тізбегіне жау әскерлеріне, техникаларына, инфрақұрылымдарына, штабтарына және қалашықтарына зымырандық, ұшқышсыз ұшақтар, артиллериялық және миномёттік соққылар берді, сондай-ақ шекара қалашықтарында жау күштерімен бетпе-бет шайқастар кірді.

Жексенбіде Хизболланың оккупацияланған жерлердегі операцияларының тереңдігі 7 километр болды, онда Палестина оккупацияланған аумағының солтүстігіндегі жау әуе операцияларын бақылау және басқару базасы бірнеше зымыранмен нысанаға алынды.

Хизболланың соңғы операциясы жарияланған мәлімдемелер бойынша, сағат 22:20 жүргізілді, сол кезде сионистер тұратын Крияат Шмона  зымырандармен нысанаға алынды.