Ресей АҚШ-тың Сириядағы амалдарын сынады
Ресей АҚШ-ты аймақтағы ДАИШ лаңкестік тобының мүддесін қорғаушы деп атады.
ТАСС ақпарат агенттігінің хабарлауы бойынша, Ресей СІМ-нің ақпарат хатшысы Мария Захарова жексенбі күні таңертең: «Мәскеу бұдан бұрын АҚШ-тың ән-Носрат майданын қолдайтынына күмәнді болған, алайда АҚШ Сирия армиясына әуеден шабуыл жасағаннан кейін бұл күмән шындыққа айналды.
АҚШ осы әрекетімен ДАИШ лаңкестеріне еш кедергісіз Дейр-эз-Зор қаласын басып алуға жол ашып берді. АҚШ-тың Сирияның Дейр-эз-Зор әуе базасына жасаған әуе шабуылында осы ел армиясының кейбір әскери құрал-жабдықтары, соның ішінде 3 танк, 3 әскери көлік, 4 миномет пен 1 зымыранға қарсы құрылғы жойылды»,-деді.
Ресей Вашингтоннан Сирия армиясы сарбаздарын өлтірудің қасақана немесе абайсызда болғанын түсіндіруді талап етіп отыр.
АҚШ-тың жексенбі күні Сирияның шығысындағы Дейр-эз-Зор әуе базасына жасаған әуе шабуылы салдарынан 62 сириялық сарбаз қаза тауып, 100-ден астам адам жараланды.
