Нью-Йорктегі жарылыс салдарынан ондаған адам жараланды
АҚШ-тағы Нью-Йорк қаласының адамдар тығыз орналасқан ауданында болған жарылыс салдарынан ондаған адам жараланды.
«Associated Press» ақпарат агенттігінің хабарлауы бойынша, сенбі күні кешке Нью-Йорктың Челси Манхэттен ауданында болған жарылыс 25 адамның жарақаттануына әкеліп соқтырды.
Нью-Йорктың өрт сөндіру басқармасы жарылыстан 25 адамның жараланғанын, олардың жағдайының ауыр еместігін хабарлады.
Алғашқы хабарлар бойынша, бомба бір қоқыс шелегінің ішіне қойылған екен. Алайда Нью-Йорк полициясы мен өрт сөндіру басқармасы бұл жарылыстың туындау себебі жайлы нақты мәлімет жариялаған жоқ.
Нью-Йорк полициясы мен өрт сөндіру басқармасының өкілдері жарылыс жайлы алынған мәліметтерді сараптап, зерттеп жатқандарын айтты.
Нью-Йорктің Манхэттен ауданындағы Челси осы қаланың ең негізгі ойын-сауық аймағы болып табылады.
