Клинтон Трамппен өткізген алғашқы пікірталаста жеңіске жетті
Жаңа сауалнама қорытындылары демократиялық партия атынан АҚШ президенттігіне үміткер Хиллари Клинтонның республикалық партиядағы бақталасынан үлкен қашықтықпен алғашқы пікірталастың жеңімпазы болғанын көрсетеді.
«CNN» телеарнасы сейсенбі күні 26- шы қыркүйектегі пікірталас аяқталған соң осы сауалнамада демократиялық партияның үміткері Хиллари Клинтонның республикалық партия үміткері Дональд Трамптың 27 пайызына қарсы 62 пайыз дауыспен осы пікірталастың жеңімпазы деп жарияланғанын хабарлады.
«CNN» телеарнасы мен «ORC» кеңсесінің ортақ сауалнамасы осы пікірталасқа куә болғандардың арасында жүргізілді.
Осы мәлімет бойынша пікірталасты көргендердің 51 пайызы Хиллари Клинтонды экономиканы басқаруда 47 пайыз дауысқа ие болған Трамптан мықты деп атады. Сыртқы саясат саласында да Хиллари Клинтон 62 пайыз дауыспен 35 пайыз дауысты иемденген Дональд Трамптан басым түсіп, осы пікірталастың жеңімпазы деп жарияланды.
Бұл Америка президенттігінен қос үміткер үшін жоспарланған жалпы үш пікірталастың Нью- Йорктегі Хофстра университетінде өткен алғашқы пікірталас еді.
Қос үміткердің екінші пікірталасы 2016 жылы 9- шы қазан жексенбі күні Вашингтон университетінде өтеді. Ал үшінші пікірталас 19- шы қазанда «Невада» университетінде өтетін болады.
