НАТО Ресейдің ұшақ тасығыш кемесінің Алеппо шабуылдарына қосылуына реакция білдірді

Солтүстік Атлантикалық Келісім Ұйымы (НАТО) Ресейдің ұшақ тасығыш кемесінің Сириядағы Алеппо қаласына шабуылдарға қосылуына қатысты алаңдаушылық білдірді.

НАТО-ның бас хатшысы Йенс Столтенберг Ресейдің ұшақ тасығыш кемесінің Сириядағы әскери амалдарға қолдау көрсетуі мен осы елдегі қақтығыстардың ушығуына қатысты алаңдаушылық білдіріп отыр. Франция президенті Франсуа Олланд та осы жайында: "Ресейдің Алеппо қаласына шабуылдардағы рөліне байланысты Еуропа одағы Ресейге қарсы санкциялар вариантын әлі де күн тәртібінен шығармауы керек" деді.