Ұлыбритания - әлемдегі полициялық бақылау ең көп жасалатын ел

Ұлыбритания алты миллион қауіпсіздік және бақылау камераларына ие болуымен әлемдегі полициялық бақылау ең көп жасалатын ел болып саналады.

«Daily Mail» газеті Ұлыбритания үкіметінің бақылау камераларының комиссары Тони Портердің сөзіне сілтеме жасап: «Ұлыбританиядағы бақылау камераларының шын саны осы көрсеткіштен әлдеқайда көбірек болуы ықтимал, өйткені осы көрсеткіш көліктердің нөмірін тіркейтін камералар, ұшқышсыз ұшақтарға орнатылған камералар немесе адамдардың өздерімен алып жүретін камераларын қамтымайды» деп жазды.

Тони Портер бақылау камераларының тыңшылық жасау үшін емес, халықты қорғау мақсатында екендігіне кепілдік беруді сұрады.