АҚШ «Париж климаттық өзгерістер» келісімінен шықты
АҚШ Президенті Дональд Трамп осы елдің «Париж климаттық өзгерістер» келісімінен шыққанын жариялап: "Бұл келісімнің АҚШ-қа еш пайдасы болмады",-деді.
France Press ақпарат агенттігінің Вашингтоннан хабарлауы бойынша, АҚШ Президенті Дональд Трамп бейсенбі күні Ақ үйде осы елдің «Париж климаттық» өзгерістер келісімінен шыққанын жариялап: "Жақсырақ келісім дайындау үшін жаңа келіссөздер жүргізуге тырысамыз. Бұл келіссөздер бірінші кезекте америкалық жұмысшылардың жағдайларына назар аударуы тиіс.
Париж келісімі АҚШ халқының шығындарын қолайсыз түрде арттырып отыр. Осы келісімнің салдарынан әсіресе машина жасау саласында көптеген жұмыс орындарынан айырыламыз",-деді.
АҚШ Президенті бейсенбі күні осы елдің «Париж климаттық өзгерістер» келісімінен шыққанын жариялағаннан кейін: "Мен Париж емес, Питтсбург (Пенсильвания штатының екінші ірі қаласы) халқының атынан сайландым",-деп баса айтты.
Соңғы күндері көптеген басшылар мен жауапты тұлғалар, соның ішінде Германия канцлері мен Еуропа комиссиясының басшысы АҚШ-тың «Париж климаттық өзгерістер» келісімінен шығуға шешім қабылдағанын айыптап, Вашингтоннан осы келісімге берік болуды сұрады.
