Зариф: Америкалықтардың Иранда жүйені өзгерту саясаты жүзеге аспайды
ИИР Сыртқы істер министрі АҚШ басшыларының «Иранда жүйені ауыстыру керек» деген ішкі іске араласушы және халықаралық принциптер мен ережелерге қайшы сөздеріне реакция білдіріп: «Өздеріңізді алдамаңыздар. Иранда билікті ауыстыру мүмкін емес»,-деді.
Мұхаммад Джавад Зариф дүйсенбі күні Нью-Йоркте АҚШ-тың сыртқы қатынастар кеңесінің пікір алмасу орталығының отырысында Вашингтонның өткеннен сабақ алмағанын айтып: «ИИР заңдылық пен құдіретті өз халқынан алып отырғандықтан, АҚШ-тың Иранда жүйені ауыстыруға бағытталған жобалары әрдайым жеңіліс табады»,-деп қуаттады.
Иранның Сыртқы істер министрі АҚШ-тың Иран Ислам революциясы жеңіске жеткеннен бастап осы елдің жүйесін өзгертуді күн тәртібіне қойып отырғанын айтып: «Иран халқы соңғы президенттік сайлауда дауыс беру үшін кезекте 10 сағаттан артық тұрды»,-деді.
