Зариф: Бөгде елдердің араласушылықтары Таяу Шығыста алауыздыққа себеп болды

Иран Сыртқы Істер Министрі Таяу Шығыс аймағындағы дағдарыстарға сілтеме жасап, бөгде елдердің араласушылықтарының Таяу Шығыс аймағында алауыздыққа себеп болғанын айтты.

Мохаммад Джвад Зариф The Atlantic журналында жарияланған мақаласында Сирия дағдарысы туралы: «Сириялық миллиондаған босқын үйлерін бір адам, бір фракция немесе бір үкімет үшін тастаған жоқ. Олар соғыс пен лаңкестіктен қашты» деп жазды. Зариф Америка тарапынан ядролық келісімнің расталмау ықтималына байланысты білдірген пікірінде: «Олар Иранды әділетсіз түрде жаманатқа қалдырды» деді.