Тереза Мейдің кеңсесі "Ортақ қадам" жан-жақты бағдарламасына қолдау білдірді
Ұлыбритания Премьер-министрінің кеңсесі ел үкіметінің ядролық келісімді, яғни "Ортақ қадам" жан-жақты бағдарламасын қолдайтыны мен бұл мәселеге анық ұстаным білдіретінін қуаттады.
"Рейтер" ақпарат агенттігінің мәліметіне сәйкес, Ұлыбритания Премьер-министрі Тереза Мейдің кеңсесі бейсенбі күні: "Лондон үкіметінің Иранның ядролық келісімін қолдауға қатысты ұстанымы толығымен айқын. Ұлыбритания АҚШ-тың "Ортақ қадам" жан-жақты бағдарламасынан шығуының нәтижелері туралы болжам жасауды мақсат етпейді",- деп мәлімдеді.
Ұлыбритания Сыртқы істер министрі Борис Джонсон да сәрсенбі күні Иран мен "алтылық" тобының ядролық келісімін ("Ортақ қадам" жан-жақты бағдарламасын) халықаралық жетістік деп бағалап, Лондонның оны қолдайтынын баса айтты.
Лондонда сапармен жүрген Иранның Атом қуаты ұйымының басшысы Әли Акбар Салехи де: "Еуропа "Ортақ қадам" жан-жақты бағдарламасын сақтап қалғысы келеді",- деп мәлімдеді.
