ЮНЕСЕФ Сауд Арабиясының Йеменге қарсы соғысын "балаларға қарсы соғыс" деп атады
БҰҰ-ның балаларды қорғайтын ұйымы ЮНЕСЕФ Сауд Арабиясының Йеменге қарсы соғысында йемендік балалардың қырылуына назар аударып, бұл соғысты "балаларға қарсы соғыс" деп атады.
Австрияның ORF телеарнасы: "ЮНЕСЕФ Йемендегі соғысты балаларға қарсы соғыс деп атады. Сауд Арабиясының Йеменге қарсы бір мың күннен асқан соғысы салдарынан мыңдаған адам қаза болып, жарақат алды",- деп мәлімдеді.
ЮНЕСЕФ-тың мәліметі бойынша тек желтоқсан айының басынан осы уақытқа дейін Сауд Арабиясы басқарған коалицияның шабуылдарынан 42 йемендік бала қаза болып, 38 бала жарақат алды. Сауд Арабиясы мен бұл режиммен одақтас бірнеше мемлекет 2015 жылдың наурыз айынан бастап Йеменге қарсы әскери шабуыл жасап, бұл елді құрлықтан, теңіз және әуеден қоршауға алды. Осы уақытқа дейін 13000-нан астам адам қаза болып, мыңдаған йемендік жарақат алып, миллиондаған азамат босқынға айналды.
