Ауғанстанның астанасында болған қатты жарылыс салдарынан 40 адам қаза тапты
Қаң 27, 2018 22:17 Asia/Almaty
Ауғанстанның астанасы Кабулда бомба қойылған жедел жәрдем көлігінің жарылысы салдарынан 40 адам қаза тапты.
Пресс ТВ арнасының мәліметі бойынша, бүгін сенбі күні түсте Бейбітшілік Жоғары Кеңесінің кеңсесі мен Ауғанстанның ІІМ-нің бұрынғы ғимараты және Полиция басқармасы мен Кабулдың республикалық ауруханасына жақын жерде орын алған қорқынышты жарылыс салдарынан кемінде 40 адам қайтыс болып, 140-тан астам адам жараланды. Жараланған адамдардың халі мүшкіл деп жариялануда.
Өткен аптада да Кабулдың Intercontinental қонақүйінде болған жарылыста 43 адам қаза тауып, ондаған адам жарақат алған болатын.
Кабул қаласында жасалған екі жарылыстың да жауапкершілігін Талибан тобы мойнына алды.
Тегтер
