Иранның Ішкі істер министрі: Есірткі мәселесін шешетін жол – әлемдік ынтымақтастық
ИИР-ның Ішкі істер министрі әлемдік есірткі мәселесін шешетін жолды әлемдік жігер мен жанама және саяси мәселелерден алыстап, ынтымақтастықтарды тереңдету деп атады.
Абд әр-Реза Рахмани Фазли дүйсенбі күні Венада өткен БҰҰ есірткі жөніндегі комиссияның 61 отырысында: "Иран есірткімен күрес саласындағы сәтті тәжірибелері негізінде сұм құбылысты тамырымен жою мақсатында ынтымақтастық жасауға әзір",- деді.
Рахмани Фазли БҰҰ-ның есірткі және қылмыспен күрес штабының 2017 жылы Ауғанстанда апиын өнімінің 87 пайызға артқаны туралы есебіне тоқталып: "Есірткінің басқа түрлерінің, соның ішінде психотропты дәрілердің контрабандасы да артты. Халықаралық ынтымақтастықтардағы екіжүзділік пен мәселені саясаттандыру есірткінің қоғамның саулығы мен тұрмысына қарсы қоқан-лоққыға айналып, мемлекеттердің экономикалық-қоғамдық негіздеріне қауіп-қатер тудыруына себеп болуда",- деп ескертті.
