Қытайда америкалық тауарлардың тарифы 25 пайызға өсті

Қытайдың Сауда министрлігі құны 50 млрд долларды құрайтын америкалық тауарларға 25 пайыздық жаңа кедендік тариф белгіленгенін хабарлады.

Reuters ақпарат агенттігінің хабарлауы бойынша, Қытайдың Сауда министрлігі сенбі күні: "Қытайдың америкалық тауарларға белгілеген тарифы АҚШ-тың 34 млрд долларды құрайтын ауылшаруышылық өнімдері мен 16 млрд долларды құрайтын теңіз өнімдеріне қатысты болады.

Қытайдың америкалық тауарларға белгілеген жаңа кедендік тарифы 2018 жылдың 6 шілдесінен бастап күшіне енеді",-деп мәлімдеді.

АҚШ Президенті Дональд Трамп кеше, жұма күні Қытайдың 50 млрд долларды құрайтын тауарларын импорттауға 25 пайыздық кедендік тариф белгілегенін жариялады.