Ресей АҚШ-тың Сирияға қатысты кез келген санкциясына жауап беретінін жариялады
Ресей Сыртқы істер министрінің орынбасары санкцияны АҚШ-тың Сириядағы «қате саясатының» бір бөлігі деп атап, Мәскеудің бұл санкцияларға жауап беретінін жария етті.
«Спутник» ақпарат агенттігінің хабарлауы бойынша, Сергей Рябков сәрсенбі күні: «АҚШ-тың Сирияны қайта жөндеуге атсалысып жатқан ресейлік және ирандық компанияларға санкция салу ниеті Вашингтонның соғыстан зардап шеккен осы елді жөндеу үдерісін бұзуға талпынып жатқанын дәлелдейді»,-деді.
Рябков АҚШ-тың Сириядағы саясатын жауластық сипаттағы қате саясат деп сипаттап: «Астана келіссөздерінде басталған бейбітшілік үдерісін ілгерілетуге тосқауыл жасау – Вашингтонның Сирияға қарсы жасап отырған жауластық сипаттағы қате ірі жеккөрінішті саясатының бір бөлігі»,-деді. NBC телеарнасы жуырда хабардар дереккөзіне сілтеме жасап, АҚШ үкіметінің Сирияда жаңа операциялар стратегиясын дайындап жатқанын, Сирияны қайта жөндеуге атсалысып жатқан ресейлік және ирандық компанияларды жазалау мүмкіндігінің қарастырылғанын мәлім етті.
