АҚШ-тың жер-жерінде полицияның зорлық-зомбылығына қарсы наразылық шерулері өтті

АҚШ халқы "Полицияның қатыгездігімен күрес" ұлттық күні полиция қызметкерлерінің америкалық азаматтарға қатысты зорлық-зомбылығына қарсы наразылық шерулеріне шықты.

Sputnik ақпарат агенттігінің хабарлауынша, шерулер дүйсенбі күні полиция қызметкерлерінің адам өлтіруі мен зорлық-зомбылықтарына наразылық білдіру мақсатында АҚШ-тың астанасы Вашингтонмен қоса, Чикаго және тағы бірнеше қалада ұйымдастырылған. Шерушілер АҚШ полициясының елдегі түрлі-түстілер мен қара нәсілділерге қатысты адамгершілікке жатпайтын әрекеттеріне наразылық білдірді.

Вашингтондағы әлеуметтік белсенді Коми Паррет АҚШ полициясының қара нәсілділер мен басқа да қарапайым азаматтарға қарсы зорлық-зомбылық әрекеттерінің күн сайын қайталанатынын  мәлімдеді.

1996 жылдан бастап 22 қазан АҚШ-та "Полицияның қатыгездігімен күресу" ұлттық күні ретінде белгіленген.