Зариф: Иран мұнай экспортын жалғастырады

Иран Сыртқы істер министрі сәрсенбі күні Нью-Йоркте БҰҰ-ның Бас хатшысы Антониу Гутеррешпен кездескеннен кейін тілшілердің алдында әлемдік қауымдастықтан АҚШ-тың біржақты заңсыз шешімдеріне қатысты реакция білдіруді сұрап, Иранның мұнай экспортын жалғастыратынын мәлімдеді.

IRNA ақпарат агенттігінің хабарлауы бойынша, Мұхаммад Джавад Зариф Иран халқының АҚШ-тың қысымдарына ешқашан тізе бүкпейтінін айтып: "АҚШ қысым арқылы Иранмен келісімге келе алмайды",-деп баса айтты.

Иран Сыртқы істер министрі АҚШ-тың "Ортақ қадам" жан-жақты бағдарламасынан заңсыз шығуына тоқталып: "АҚШ Қауіпсіздік кеңесінің қарарын ғана бұзып қойған жоқ, басқа елдерді де осы қарарды бұзуға итермелеуде.

Тарихта бірінші рет біреу "Егер заңды сақтасаңыздар, жазаланасыздар" деп ашық түрде  қоқан-лоққы  жасап отыр",-деді.