Гонконг АҚШ-тың Иранмен мұнай саудасына қатысты қоқан-лоққысына жауап берді
Гонконг үкіметі ирандық танкерлерге осы елдің терминалында тоқтап, қызмет көрсетілуіне рұқсат бергені үшін АҚШ-тың бұл аймаққа санкция салатыны туралы қоқан-лоққысын теріске шығарды.
Гонконгтың «The Economic Journal» газетінің хабарлауы бойынша, Гонконг Сауда және экономикалық даму басқармасы кеше, сенбі күні мәлімдеме жасап, АҚШ-тың ирандық танкерлермен әріптестікті жалғастыруға қатысты ескертулеріне реакция білдіріп: «Гонконг тек БҰҰ тарапынан салынған санкцияларға ғана берік болып қалады. БҰҰ Қауіпсіздік кеңесі Иран мұнайы экспортына ешқандай шектеу қойған жоқ»,-деп мәлімдеді.
Гонконгтың Сауда және экономикалық даму басқармасы бұл мәлімдемеде: «Кейбір елдер басқа елдерге қарсы біржақты санкциялар салуы мүмкін, бірақ бұл санкциялар БҰҰ Қауіпсіздік кеңесі санкцияларының аясына кірмейді. Сондықтан Гонконг үкіметі оларды орындамайды»,-деді.
