Иран Сыртқы істер министрі мен Жапония Премьер-министрі кездесті

Жапонияға сапар шеккен Иран Сыртқы істер министрі осы елдің Премьер-министрімен кездесіп, сұхбаттасты.

Иран Сыртқы істер министрі Мұхаммад Джавад Зариф пен Жапония Премьер-министрі Синдзо Абэнің сәрсенбі күнгі кездесуінде тараптар "Ортақ қадам" жан-жақты бағдарламасының орындалу барысындағы соңғы өзгерістер, аймақтағы текетірестер мен оларды азайту жолдары туралы пікір алмасты.

Зариф осы кездесуден кейін Twitter-дегі жеке парақшасында: "Жапония Премьер-министрі  және Сыртқы істер министрімен Теһран мен Токионың өте жақсы қарым-қатынасы, Парсы шығанағында текетіресті азайту және Иран халқының ядролық келісімдегі мүдделерін сақтау туралы сұхбаттастым",-деп жазды.