Трамп Талибан тобымен келісімге өзі қол қоюға құштар

АҚШ Президенті Ауғанстан тәліптерімен келіссөз жүргізіп, келісімге өзі қол қоюға құштар екенін айтты.

Associated Press ақпарат агенттігінің хабарлауынша, АҚШ-тың Талибан тобымен келіссөздері қорытындыланып жатқаны туралы ақпарат тарауымен бір мезгілде Дональд Трамп дүйсенбі күні Вашингтоннан Үндістанға аттанар алдында тілшілерге берген сұхбатында: «Талибан тобы Ауғанстанда соғысты тоқтатқысы келеді, өйткені соғысып жатқандарына біраз болды»,-деді.

Associated Press ақпарат агенттігі: «Атысты тоқтату бітімі сәтті болып, Талибан тобымен бейбіт келісімге қол қойылса, Трамптың 2016 жылы сайлауалды науқанында берген уәделерінің бірі орындалады»,-деп жазды.