ДДСҰ коронавирустың таралуына қатысты тағы ескерту жасады

Дүниежүзілік денсаулық сақтау ұйымының (ДДСҰ) басшысы коронавирустың ең жаман жағдайының әлі болмағанын ескертті.

Fars News агенттігінің хабарлауынша, Тедрос Адханом дүйсенбі күні ДДСҰ-ның Женевадағы штаб-пәтерінде өткен баспасөз конференциясында Covid-19 пандемиясының салдарларына тоқталып: «Ең жаман оқиғалар әлі алда.  Бізге сеніңдер. Ең жаманы әлі алда.  Апаттың алдын алайық.   Бұл – көп адамдар әлі түсінбейтін вирус»,- деді.

Қазіргі уақытқа дейін 2 миллион 500 мыңнан астам адам Covid-19 жұқтырды. 170 мың адам қаза тапты.