Рухани: Ирандық ұшақтың жолаушыларына қатер төндіру – АҚШ-тың әуе терроризмі
ИИР Президенті халықаралық әуе дәлізінде АҚШ қырғи ұшақтарының ирандық ұшақтың жолаушыларына қатер төндіруін «әуе терроризмі» деп атады.
Хасан Рухани сәрсенбі күні Министрлер кабинетінің жиналысында АҚШ-тың бұрын соңды мұндай әрекет жасамағанын айтып: «АҚШ үкіметінің бұл тентектігі оның Иранға қарсы саясатының жеңіліс тапқанын көрсетеді. Олар үшін тек бір жол қалды: Иранның құқығын қабылдау, халықаралық заңдар мен келісімдерді орындау және Иран халқының шығындарын өтеу»,-деді.
Рухани дұшпандардың Иранның экономикалық жүйесін бұзып, тіректерін жоюды көздейтінін айтып: «Санкцияларға қарамастан, Иранның Еуразия аймағындағы елдерге экспорты 63 пайызға артты. Бұл дұшпанның экономика саласында сәтсіздікке ұшырап, Иранның экономикалық дамуын тежей алмағанын көрсетеді»,-деді.
