Қалибаф: Иран халқы АҚШ санкцияларының келтірген шығындарын ешқашан кешірмейді
ИИР Ислам Кеңесі Мәжілісінің төрағасы басқа елдердің ядролық келісімдегі уәдебұзушылықтарының ирандықтар үшін ащы естелік болып қалғанын айтып: «Иран халқы АҚШ санкцияларының келтірген шығындарын ешқашан кешірмейді»,-деді.
Қалибаф жексенбі күні Теһранда Швейцарияның Сыртқы істер министрі Игнасио Касиспен кездесіп: «Иран халқы біржақты, зұлым әрі заңға қайшы санкциялар салғанына байланысты АҚШ-қа сенбейді»,-деді.
ИИР Ислам Кеңесі Мәжілісінің төрағасы Еуропаның тәуелсіз түрде Иранмен сындарлы қатынас жасай алатынын айтып: «Еуропа АҚШ саясатының ықпалында қалмауы тиіс, өйткені Вашингтонның шаралары Батыс Азия аймағында тұрақсыздық пен тынышсыздықтың туындауына себеп болады»,-деді.
Игнасио Касис Иранда кейбір швейцариялық компаниялардың жұмыс істеп жатқанына тоқталып: «Швейцарияның ірі компаниялары санкцияларға қарамастан, әлі де Иранда өз жұмыстарын жалғастыруда»,-деді.
