Әзірбайжан мен Армения Таулы Қарабақта атысты тоқтатуға келісті
Ресей Сыртқы істер министрі Әзірбайжан мен Арменияның Таулы Қарабақтағы атысты тоқтатуға келіскендері туралы хабарлады.
Сергей Лавров Әзірбайжан мен Арменияның Таулы Қарабақтағы атысты тоқтатуға келіскендері және атыстың 10 қазанда сағат 12:00-ден бастап тоқтатылатынын мәлімдеді.
Лавров Әзірбайжан, Армения және Ресей сыртқы істер министрлерінің Мәскеуде 10 сағатқа созылған үшжақты отырысынан кейін ортақ мәлімдеменің мәтінін оқып, Халықаралық Қызыл Крест комитетінің Әзірбайжан мен Армения арасында арағайындық етіп, бұл атыс тоқтатуды бақылайтынын жариялады. Бұл мәлімдеме бойынша, атыс тоқтату гуманитарлық мақсатта, атап айтқанда тұтқындармен алмасу, қақтығыс кезінде қаза болғандардың денесін жинау және зардап шеккен әскери емес халыққа көмектесу үшін орнатылады. Әзірбайжан, Армения және Ресей сыртқы істер министрлерінің үшжақты отырысы жұма күні Мәскеуде өтті.
