Путин Ресей шекарасына НАТО зымырандық кешендерін орналастыруға шұғыл жауап беруді талап етті

Ресей Президенті елдің Қорғаныс министрлігінен Батыс елдерінің Ресей шекараларына жақын маңдағы әрекеттеріне шұғыл жауап беруге дайын болуын сұрады.

Владимир Путин  өз елінің Қорғаныс министрлігінен қажет болған жағдайда Батыс елдерінің Ресей шекараларына жақын маңда зымырандық кешен орналастыруына шұғыл түрде жауап беруді сұрады.

Путин: «Біз Ресейдің еуропалық өңірінде немесе басқа аймақтарда орта және қысқа қашықтыққа ұшатын зымырандарды орналастыруды көздеп отырған жоқпыз. Бірақ Батыс елдері біздің шекараларымызға жақын маңға әскери қондырғылар орналастырған жағдайда жедел түрде реакция білдіруге дайын болуымыз керек»,-деді.