Әсірешіл топтардың мүшесі болған Тәжікстанның 120 азаматы еліне қайтарылды

Тәжікстанның бас прокуроры әсірешіл топтарға қатысқан Тәжікстанның 120 азаматының елге қайтарылғанын хабарлады.

Мұхаммад Ибрахим Асемзода азаматтарды елге қайтарудың барлық шығынын Тәжікстан үкіметінің өз мойнына алатынын, олардан ешқандай шығын шықпайтынын айтты. Қазіргі кезде ИСИМ лаңкестік тобының қатарына Тәжікстанның бір мың азаматы қосылған. Солардың 600- ден астамы сол жерде қалса, 156 кісі құрықталып, өзге 148 кісі қақтығыстарда қаза тапқан.