Ирандық футболшы Ресей Премьер-лигасының ең үздік ойыншысы атанды

"Зенит" футбол командасының ирандық шабуылдаушысы Ресей Премьер-лигасының ең үздік ойыншысы ретінде таңдалды.

Ресейдің "Спорт Эксперт" сайтының елдегі футбол Премьер-лигасына қатысып жатқан ойыншылар арасында жүргізген сауалнамасы нәтижесінде "Зенит" футбол командасының ирандық ойыншысы Сардар Азмун  222 дауыс жинап, Ресей Премьер-лигасының осы маусымындағы ең үздік ойыншы ретінде таңдалды. Сардар Азмун осы маусымда 19 гол соғып, өз командасының үшінші рет қатарынан жеңімпаз атануына септігін тигізді.