Каспий теңізінің батысындағы теміржол желісі қолданысқа берілуге дайын
ИИР Темір жол компаниясының атқарушы директоры Каспий теңізінің батысындағы теміржол желісі эксплуатацияға берілуге дайын екенін хабарлады.
Саид Расули: «Армения мен Әзірбайжан республикасының арасында болған аймақтық соғыстан зардап шеккен Армения-Джульфа теміржол желісі қайта жөнделгеннен кейін жуырда Каспий теңізінің батысында Иран мен Қара теңізді жалғастыратын дәліз іске қосылады»,-деді.
Расули: «Джульфа шекаралық темір жол желісі жылына 7 млн тонна жүк тасымалдай алады. Аймақтық соғысқа дейін бұл бағыт назардан тыс қалдырылған. Иран мен Ресейдің Әзірбайжан және Армениямен келіссөздерінің нәтижесінде аймақта бейбітшілік орнатылғандықтан бұл желі қайта іске қосылатын болады»,-деді.
Расули: «Пойыздар Әзірбайжан республикасынан Иранның солтүстігіндегі Гилан облысының Астара вокзалына кіреді. Дәліздің батыс бөлігі қайта жөнделіп, толықтырылғаннан кейін Иран Джульфа-Нахичевань-Армения-Грузия арқылы Ресей мен Қара теңізге жалғанады»,-деді.
