Балалар - соғыстардың ең үлкен құрбандары
Қарулы қақтығыстағы балаларды қорғау халықаралық құқықтағы ерекше назар аударуды қажет ететін маңызды мәселелердің бірі болып табылады.
1959 жылғы Төртінші Женева Конвенциясы, 1977 жылғы Қосымша хаттама, 1989 жылғы Халықаралық қылмыстық соттың ережесі және Адам құқығы туралы Жарғысы - соғыс кезінде балалардың құқықтарын бұзуға тыйым салатын халықаралық құжаттар.
БҰҰ мен адам құқықтары жөніндегі халықаралық органдар осыған байланысты өз міндеттерін дұрыс орындай алды ма?
Иранның БҰҰ жанындағы тұрақты өкілі Маджид Тахтраванчи дүйсенбі күні БҰҰ Қауіпсіздік Кеңесінің «Балалар және қарулы қақтығыстар» тақырыбындағы отырысында БҰҰ-ның іс-әрекетіне шағым түсірді. Ол: «Сионистік режимнің әскерилерінің ешқашан балалар құқыларын бұзушылар ретінде Бас хатшысының қара тізімне тіркелмеген және Сауд Арабиясының агрессорлық коалициясы атауының бұл тізімнен алынып тасталғаны алаңдатады»,- деді.
Балалардың құқықтарын өрескел бұзудың өкінішті көріністерінің бірі - Йемендегі соғыс. Сауд Арабиясы бастаған коалиция Йеменнің қуылған президенті Абд Раббо Мансур Хадиді билікке қайтаруды сылтауратып, ауыр әуе, құрлық және теңіз соққыларымен кедейленген Йемен елін нысанаға алды. Сауд Арабиясы бірнеше аптаның ішінде әуе кампаниясын бастай алады деп ойлады. Сауд Арабиясы әуе жорығын бастау арқылы соғысты бірнеше аптада жеңеді деп ойлады. Қазіргі кезде соғыс жетінші жылға аяқ басты және оның соңы көрінбейді.
БҰҰ-ның балалар қоры ЮНИСЕФ-тің Йемендік балалардың жағдайы туралы есебі бойынша, 2018-2020 жылдар арасында Йемендегі соғыста 2300-ден астам бала қаза тапты. Қор төрағасы: «Йемендік балалар қауіп-қатерлі жағдайда өмір сүруде. Йеменде балалар күн сайын соғыстың салдарынан қаза табады және жараланады», - деді. БҰҰ Бас хатшысы Антонио Гутерреш күмәнді шешімімен Сауд Арабиясы бастаған коалицияны балаларды өлтіруші және олардың құқықтарын бұзушылар қара тізімінен шығарды. 2017 жылдың қазан айында БҰҰ Йеменде 683 баланы өлтіріп, жарақаттағаны және ондаған мектептер мен ауруханаларға шабуыл жасағандығы үшін Сауд коалициясын қара тізімге енгізді. Бұл ащы оқиға жалғасуда. Бала құқықтары туралы конвенцияның 38-ші бабына сәйкес үкіметтер балаларға қатысты гуманитарлық заңдардың ережелерін сақтауы керек. Балаларды қарулы қақтығыстардан қорғау ең алдымен қақтығыстарды тоқтатып, оның өршуіне жол бермеуді талап етеді.
