Пәкістан президенті Иранмен сауда қарым-қатынастарын кеңейту ұсыныс берді
Пәкістан президенті Ареф Алави Иранмен сауда ынтымақтастығын жеңілдету мақсатында Орталық банк директоры мен Пәкістанның Ұлттық кіріс ұйымының басшысын Иранмен екі жақты сауданы жергілікті валюта арқылы жасау үшін барлық қажетті шараларды қамтамасыз етуді талап етті.
Иран мен Пәкістан көршілес және ұзақ шекараға ие болумен қатар, ЭЫҰ аймақтық ынтымақтастық одағының маңызды мүшелері болып табылады. Алайда Иран мен Пәкістан арасындағы сауда қарым-қатынастары ойдағы деңгейде емес. Пәкістандық сарапшы Пир Мохаммад Малазахи: «Иран мен Пәкістан арасындағы экономикалық қарым-қатынастардың өспеуінің негізгі себептерінің бірі күріш пен мандарин сияқты ұқсас тауарларды өндіру болып табылады. Қарым-қатынастардың дамуы бір-бірін толықтыратын тауарлардың өндірісін қажет етеді»,- деді. Саяси бақылаушылардың көзқарасы бойынша, құрылыс материалдары сияқты ынтымақтастықты дамыту қуаттарын одан әрі анықтау Иран мен Пәкістан арасындағы ынтымақтастықты дамытуда қолайлы серпіліс жасай алады. Сонымен қатар, шекаралық нарықтарды белсендіру және шекараның екі жағындағы экономикалық қарым-қатынастарды дамыту Иран мен Пәкістан арасындағы сауда қатынастарының деңгейін арттырудың маңызды жолы болып табылады. Пәкістан мәселелері бойынша сарапшы Мохсен Руи Сефат: «Шекаралас аймақтарда, соның ішінде Пәкістанмен шекаралас Систан мен Белучистанда шекаралық нарықтардың дамуы жергілікті халыққа пайда әкеліп қана қоймай, жергілікті халықтың тұрмысы мен кірісіне де айтарлықтай әсер етеді»,- деді. Қалай болғанда да, Теһран мен Исламабад экономикалық қарым-қатынастарын жылына 5 миллиард долларға дейін жақсартуға бел буғанымен Иран мен Пәкістанның экономикалық қарым-қатынастары мүлдем көңіл көншітпейді және екіжақты қарым-қатынастарды ілгерілету әсіресе шекаралық нарықтардағы сауда-экономикалық мүмкіндіктерді одан әрі анықтауды қажет етеді. АҚШ-тың Иранға қарсы санкцияларын ескере отырып, сонымен қатар, Пәкістанның экономикалық және валюталық проблемаларына байланысты екі елдің сауда үшін жергілікті және ұлттық валюталарды пайдалануы екі ел арасындағы сауда-экономикалық қарым-қатынастардың деңгейін көтеруге айтарлықтай септігін тигізе алады.
