Украина Ресейдің Еуропаға экспорттайтын газының бір бөлігін тасымалдауды тоқтатуға шешім қабылдады

Украинаның ұлттық газ компаниясы Ресейдің Еуропаға экспорттайтын газының бір бөлігін тасымалдауды тоқтатуға шешім қабылдады.

Украинаның ұлттық газ компаниясы: «Сәрсенбі күннен бастап басты транзиттік жол арқылы Еуропаға өтетін Ресей газының бір бөлігін тоқтатуға дайынбыз»,-деп мәлімдеді.    

Осы компанияның мәлімдемесінде: «Ресей әскерилерінің техникалық мәселелерге араласуына байланысты Новопсков қаласында газ қысымын бақылау стансасы арқылы газ тасымалдау тоқтатылады»,-делінген.

Украинаның шығысындағы Луганск облысында орналасқан Новопсков компрессорлық стансасы Ресей күштерінің бақылауында.

Сухаранка жолы арқылы газ тасымалдауды тоқтату 11 мамырдан басталады.

Украина ұлттық газ компаниясының басшысы Юрий Витренко: «Ресей газ тасымалдау бағытын өзгертуге әрекет жасамаса, Украина жері арқылы Еуропаға газ тасымалдау көлемі үштен бірге азаюы мүмкін»,-деп хабарлады.

Украина ұлттық газ компаниясының хабарлауынша, Ресей күштерінің бақылауындағы Сухаранка транзиттік жолы арқылы тасымалданатын газ Украина күштерінің бақылауындағы басқа аймаққа жөнелтілетін болады.