Иран армиясы Теңіз күштерінің эскорт тобы Аден шығанағында теңіз қарақшыларымен қақтығысты

Иран армиясы Теңіз күштерінің баспасөз қызметі осы күштерге қарасты эскорт тобының Аден шығанағында теңіз қарақшыларымен қақтығысқанын хабарлады.

Иран армиясының Теңіз күштері баспасөз қызметінің хабарлауынша, осы күштердің 80-ші флоты бүгін, жұма күні таңертең Аден шығанағында сауда кемесінен белгісіз қарақшылардың шабуылы туралы хабарлама алғаннан кейін  теңіз қарақшыларымен қақтығысты.

Иран армиясы Теңіз күштерінің эскорт тобы аймаққа келіп, қарақшылармен оқ атысқаннан кейін олар қашып кетті. Ал ирандық сауда кемесі аман-есен жолын жалғастыруда.

Қазіргі таңда Иран армиясы Теңіз күштерінің 80-ші флотына қарасты «Альборз» эсминеці мен «Бушер» техникалық кемесі Аден шығанағы мен Үнді мұхитында миссия атқарып жатыр.