Лавровтың Теһранға сапары; Иран мен Ресей арасындағы ұзақ мерзімді ынтымақтастық
Ресей Сыртқы істер министрі сәрсенбі күні Иран Президенті Ибрахим Раисимен кездесті.
Иран Сыртқы істер министрі Хұсейн Амир Абдоллахианның шақыруымен Теһранға келген Ресей Сыртқы істер министрі Сергей Лавров ирандық басшылармен ұзақ мерзімді ынтымақтастық келісім және Батыс санкцияларының күшеюі жағдайында екіжақты экономикалық қарым-қатынастарды дамытуға қатысты мәселелерді талқылайды. Сирия мен Ауғанстанға қатысты аймақтық қауіпсіздік саласындағы ынтымақтастық та келіссөздердің негізгі тақырыптарының бірі болмақ. Ресейлік дипломат ирандық әріптесімен «Ортақ қадам» жан-жақты бағдарламасы тақырыбын да талқылады. Бұл сапар Лавровтың 3 маусым күні Әмір Абдуллахианмен телефон арқылы сөйлесуінде Иранға алдағы сапарына ризалығын білдіріп, екі ел арасындағы қарым-қатынас пен ынтымақтастықты барлық өлшемде кеңейтуге шақырған жағдайда орын алды. Ресей Сыртқы істер министрі Атом Қуаты Халықаралық Агенттігі (АӨХА) Басқарушылар кеңесінің Иранға қарсы қарарының жариялануынан бұрын өткен сұхбатта өз елінің бұл қарарға үзілді-кесілді қарсылығын қуаттады. Иран мен Ресей екіжақты салаларда, әсіресе экономикалық, әскери және қауіпсіздік қатынастарында, сондай-ақ біржақтылыққа қарсы тұру сияқты аймақтық және халықаралық мәселелерде стратегиялық мүдделерге ортақ. Ресей Сирия сияқты аймақтық және жаһандық саяси және қауіпсіздік мәселелерінде, сондай-ақ Батыс Азиядағы АҚШ ықпалының күшеюі мен оның дәстүрлі ықпал ету аймақтарында Иранмен ортақ көзқарастарға ие. 2015 жылдың қыркүйегінен бастап, Сирия дағдарысы шарықтап тұрған кезде Теһран мен Мәскеу халықаралық лаңкестікпен күресте ынтымақтастықты кеңейтті, бұл аймақтағы тұрақсыздықтың таралуына жол бермеудің тиімді факторларының бірі болып табылады.
Иран мен Ресей арасындағы саяси қарым-қатынастардың күшеюімен қатар екі елдің сауда-экономикалық қарым-қатынастары да артып келеді. Иран мен Ресей арасындағы сауда көлемі 2019 жылы ол небәрі 1,6 миллиард долларды құраса, 2021 жылы 4,5 миллиард долларға жетті. Иран темір жолдарының Түркіменстан мен Қазақстан арқылы Ресейге қосылуы және транзиттік жүктердің кеңеюі, сондай-ақ Ресейдің оңтүстік аймағындағы Иранмен кедендік іс-әрекеттер екі елдің сауда ынтымақтастығы салаларына жатады. Екі тарап осы мақсатқа жету және көлік инфрақұрылымын аяқтау үшін әзірге төрт құжатқа қол қойды.
