2022 жылы Иран мен Тәжікстан арасындағы сауда-экономикалық айналым 300 пайызға өсті
Иранның Энергетика министрі 2022 жылы Иран мен Тәжікстан арасындағы сауда-экономикалық айналымның 300 пайызға өскенін хабарлады.
Иранның Энергетика министрі Әли Акбар Мехрабиан дүйсенбі күні Теһранда Иран мен Тәжікстанның экономикалық ынтымақтастық туралы ортақ комиссиясының 15-ші жиналысының ашылу рәсімінде: "Екі елдің 2022 жылғы сауда-экономикалық айналым көлемі былтырмен салыстырғанда 300 пайызға өсті",-деді.
Мехрабиан: "Иран мен Тәжікстанның ынтымақтастығы аясында алдағы айлар мен жылдарда өзара сауда айналымы одан ары артады деп үміттенеміз",-деді.
Иран мен Тәжікстанның экономикалық ынтымақтастық туралы ортақ комиссиясының тәжік басшысы Делир Жұма осы рәсімде екі ел арасында сындарлы әріптестік басталғанын айтып: "Бұл ынтымақтастық көрмелер өткізіп, өнеркәсіптің түрлі салаларына инвестиция салу қалыбында орындалып жатыр",-деді.
Иран мен Тәжікстанның экономикалық ынтымақтастық туралы ортақ комиссиясының 15-ші жиналысы бүгін, дүйсенбі Теһранда басталды.
