Киссинджер: Украинаны бейтарап деп жариялау – соғысты шешудің жолы

АҚШ-тың бұрынғы үкіметтерінде Сыртқы істер министрі мен ұлттық қауіпсіздік кеңесшісі болған Генри Киссинджер өзінің жаңа кітабында: "Украинаны бейтарап деп жариялау – осы елдің Ресеймен текетіресін аяқтаудың жалғыз жолы",-деп жазды.

Fars ақпарат агенттігінің хабарлауынша, Генри Киссинджер "Басқару: алты әлемдік дәріс" атты жаңа кітабында: "Егер Украина НАТО альянсына қосылса, бұл блоктың шекарасы Мәскеуден 500 км қашықтықта орналасады. Сондықтан Украина соғысының жалғаса түсуіне себеп болады",-деп жазды.

АҚШ-тың бұрынғы ұлттық қауіпсіздік кеңесшісі сондай-ақ Украинадағы соғыстың шешім жолы "Бейтарап Украина" деп атап өтті.