Сауд Арабиясы АҚШ-қа 11 қыркүйекке қатысты заңның қабылдануына қатысты ескерту жасады
Сауд Арабиясының Сыртқы істер министрі бұл елдің АҚШ-қа 11 қыркүйек оқиғасына қатысты заңның қабылдануы туралы ескерту жасағанын хабарлады.
Иран Телерадио бірлестігі ақпарат агенттігінің хабарлауы бойынша, Сауд Арабиясының Сыртқы істер министрі Адель әл-Джубайр: «АҚШ тарапынан Сауд Арабиясының 2001 жылғы 11 қыркүйек шабуылдарына қатысы барлығы туралы заң жобасының қабылдануы әлемдік инвесторлардың АҚШ-қа деген сенімін жояды»,-деді.
«New-York Times» газеті бұдан бұрынырақ: «Эр-Рияд үкіметі АҚШ Конгресі тарапынан АҚШ жерінде америкалықтардың құрбан болуына әкеліп соқтыратын лаңкестік шабуылдарға қатысты шетелдік үкіметтердің иммунитетін жою туралы заңның күші жойылса, АҚШ-тағы өзінің құны 750 млрд долларлық активтерін сататынын айтып, қоқан-лоққы жасады»,-деп жазған болатын.
2001 жылы 11 қыркүйекте Нью-Йоркте шабуылдар жасалғаннан кейін АҚШ Конгресі осы оқиғаға қатысты тексеріс жүргізетін комитет құрып, артынан он жыл өтсе де, Сауд Арабиясына қатысты бөлігі құпия қалып отырған есепті жариялады.
