Камалванди: АҚХА-ға мүше елдер бұл ұйымның саяси мақсатта қолданылуына жол бермеуі керек
Иран Атом қуаты ұйымының баспасөз өкілі: "АҚХА-ға мүше елдердің міндеті – оның кәсіби орнын сақтап қалу. Олар осы халықаралық ұйымның саяси мақсаттарда қолданылуына жол бермеуі тиіс",-деді.
Bloomberg ақпарат агенттігінің хабарлауынша, АҚХА тексерушілері өткен аптада Иранда 84 пайызға байытылған уран анықтады.
Бехруз Камалванди жексенбі күні IRNA агенттігіне берген сұхбатында осы хабар туралы: "Жарияланған ақпарат шындықты бұрмалап, Иранға күйе жағуды көздейді. Өндіріс барысында 60 пайыздан аса байытылған уран бөлшегі немесе бөлшектерінің болуы оны 60 пайыздан асыра байыту дегенді білдірмейді",-деді.
Камалванди ИИР-дың осы күнге дейін уранды 60 пайыздан аса байытпағанын айтып: "Өкінішке қарай, АҚХА кейбіреулердің қысым жасау құралына айналды. Мұндай қатынас осы халықаралық ұйымның беделіне теріс әсер етеді",-деді.
