Прайс: Иранға қатысты барлық таңдау жолдары қарастырылып жатыр
АҚШ Мемлекеттік хатшысы дипломатияны Иранды атом бомбасын жасаудан бас тарттырудың ең жақсы жолы деп уәж айтып: "Барлық таңдау жолдары қарастырылып жатыр",-деді.
Iran Press ақпарат агенттігінің хабарлауынша, Нед Прайс сәрсенбі күнгі баспасөз отырысында Иранның ядролық бағдарламасы және Венада Иранға қарсы санкцияларды жоюға арналған келіссөздер туралы сұрақтарға жауап бере келіп: "Дипломатия – Иранды атом бомбасын жасаудан бас тарттырудың ең жақсы жолы. Бірақ барлық таңдау жолдары қарастырылып жатыр",-деді.
Ол Иранға қарсы негізсіз айыптауларды қайталап: "Біз өз тарапымыздан Иранның атом бомбасына қол жеткізуінің алдын алуға белді бекем буып отырмыз",-деді.
Нед Прайс сионистік режимнің Иордан өзенінің батыс жағалауындағы палестиналықтарға шабуылдары мен қылмыстары туралы: "Біз Израиль Премьер-министрінен осы елдің Қаржы министрінің әл-Хавара ауылын жою туралы сөздерін айыптауды сұраймыз. Бұлай деу жауапсыздық әрі қатыгездікке шақыру болып саналады",-деді.
