Кеннеди: Америка Ресеймен құрлықтағы соғысқа дайындалуда

Америкадағы президенттік сайлауға үміткер осы ел президентінің резервтік күштерді шақырып, оларды Еуропаға жіберудегі жуырдағы әрекетіне реакция ретінде АҚШ Ресеймен құрлық соғысына дайындалып жатқанын айтты.

 Sputnik ақпарат агенттігінің хабарлауынша, Роберт Кеннеди АҚШ президентінің Еуропадағы НАТО-ны нығайту үшін резервтік күштер жіберу туралы шешімін Ресеймен соғысқа дайындық деп бағалады. Ол Twitter-де: «Байден жақында «Атлантикалық шешім» операциясы аясында Еуропадағы АҚШ күштерін кеңейту үшін 3000 резервтік күштерді шақырды. Адамдар бұл әскери жұмылдырудың не үшін қажет екенін білсе деймін. Бұл Ресеймен құрлықтағы соғысқа дайындық»,- деп жазды.