Башар Асад Қытайға барды

Сирия Президенті бүгін таңертең өзінің қытайлық әріптесінің шақыруымен Бейжіңге ресми сапармен барды.

Бұл – Башар Асадтың Қытайға жиырма жылдан бергі алғашқы сапары.

Сирия ақпарат агенттігінің хабарлауынша, осы сапарда Башар Асадпен бірге оның жұбайы Асма мен жоғары мәртебелі делегация барды.  

Бұған дейін Ливанның "әл-Ахбар" газетінің хабарлауынша, Башар Асадтың Қытайға сапары Дамаск пен Бейжің қарым-қатынасында бір стратегиялық бетбұрыс нүктесі және Қытайдың Батыс Азия аймағындағы рөлінің тағы мықты белгісі саналады.