Иран Ислам Кеңесі Мәжілісінің төрағасы БАӘ-не аттанды

Иран Ислам Кеңесі Мәжілісінің төрағасы Мұхаммед Бағер Қалибаф БАӘ басшыларымен кездесіп, сөйлесуі мақсатында Абу-Дабиге аттанды.

Парламентаралық және сауда-экономикалық ынтымақтастықты арттыру және тату көршілестік қатынасты кепілдендіру Иран Ислам Кеңесі Мәжілісінің төрағасы мен  БАӘ басшылары арасындағы сұхбаттың басты өзегі болады.

Мұхаммед Бағер Қалибаф сапар алдында берген сұхбатында ИИР-дың сыртқы саясатта көршілес елдермен достық қатынасқа басымдық беретінін айтып: "Екі елдің парламенттік және экономикалық ынтымақтастығы Теһран-Абу-Дабидің қарым-қатынас деңгейін жоғарылатуға себеп болады",-деп үміт білдірді.