Отаршылдықтан туған: Израиль – Батыс өркениеті мен құндылықтар жүйесінің нағыз перзенті
Ақ үй үнемі былай дейді: Біз Израильге уақыт беруіміз керек. Үкім шығаруға әлі ерте. Егер жаман оқиға орын алса, Израильдің өзі тексеріп, жауап беруі керек.
Қанішерге уақыт беру – сұмдық тәсіл.
Үйінділерден ұл немесе қыздың өртенген денесі шығарылды. Ол әлі жанып жатыр. Бұл – Газа мен Палестинада талай рет қайталанған оқиға. Бұл Израиль Соғыс министрінің орынбасары Матан Вилнайдың 2008 жылы Газаға уәде берген "Үлкен Холокост" болуы мүмкін.
Басқа бір сахнада газалық отбасының арбасын сүйретпек болған арық есек құмда ақсап келеді. Ол балалар сияқты арып-ашып, шөлдегендей, ашыққандай көрінді. Қалай болғанда да, Газа есектері көптеген Батыс басшыларына қарағанда жерлерді жақсы есте сақтайды.
Бұл жолы, әрине, есектің жүгі жеңіл болды. Бәлкім иесінің әйелі немесе баласынан айырылғанынан болар. Сол отбасы бір «қауіпсіз» аймақтан қайтадан Израиль белгілеген екінші «қауіпсіз» аймаққа көшті. "Қауіпсіз аймақтар" тек уәде болған, іс жүзінде олар қырып-жою алаңы болып табылады.
Төрт аяқты мақұлық құлықсыз жүрді. Джо Байден әлі түсінбеген нәрсені тіпті есек түсінген болатын: Газада қауіпсіз орын жоқ.
Әрине аш есектің сезімі Джо Байден, Эммануэль Макрон, Риши Сунак, Джастин Трюдо мен Олаф Шольцке қарағанда көбірек болды. Өйткені ол Батыс өркениетінің «құндылықтары» бойынша тәрбиеленген есек емес.
Ол 2000 фунттық бомба жасап, оны Джабалия лагері сияқты планетаның ең көп қоныстанған аймағына тастамайды. Жасанды интеллект арқылы Израиль үшін қырғын фабрикасын жасауға оның ақыл-ойы жетпейді.
Ең бастысы, есек ақ емес мәдениеттерге қатысты батыстық нәсілшілдікке ұмтылмайды. АҚШ шенеуніктері әдетте бір израильдіктің өлтірілгенін айыптаудан тартынбайды. Бірақ израильдіктердің Рафахта жасаған қырғыны туралы сұраққа жауабында АҚШ Мемлекеттік департаментінің баспасөз хатшысы Мэтью Миллер балалардың өртелуін ақтай сөйледі.
Ақ үйде Джон Кирби "Тағы қанша күйген дене көруіңіз керек?" деп сұраған тілшіге ренжіп қалды. Ақ үй үнемі былай дейді: "Біз Израильге уақыт беруіміз керек. Үкім шығаруға әлі ерте. Егер жаман оқиға орын алса, Израильдің өзі тексеріп, жауап беруі керек".
Байден мен Батыс басшылары Рафах туралы: "Израиль әлі қызыл сызықтан өткен жоқ",-дейді. Израиль танктері Рафахтың орталығына жетіп, UNRWA мен Дүниежүзілік тамақтандыру орталығын (WKC) Газаны азық-түлікпен қамтамасыз ету операцияларын тоқтатуға мәжбүр етіп, палестиналық бейбіт тұрғындардың өртенген денелері үйіліп жатқанына қарамастан, Израиль әлі Байденнің қызыл сызығынан өткен жоқ. Әрине Израиль WCK қызметкерлерін өлтіру сияқты бұған дейінгі өлім жайттарын зерттеп, оның қасақана жасалмағанын мәлімдеді.
Израиль армиясы Бас штабының басшысы Герцы Холлоуэй мұны «үлкен қателік» деп сипаттады. Нетаньяху Рафахтағы соңғы қырғынды да осыған ұқсас тілмен сипаттап, оны жай ғана «қайғылы оқиға» деп атады.
Израиль армиясының өкілі қаза тапқан журналистердің көптігін, шамамен 140 адамды түсіндіріп, 100 000-нан астам палестиналық бейбіт тұрғынның қаза болуы мен жаралануын кездейсоқ шығын деп мәлімдеді. Өйткені «бейбіт тұрғындарға келетін зиянды азайту үшін барлық мүмкін болатын жедел шараларды қолданды",-деді.
Өткен 7 айда Израиль 225-тен астам гуманитарлық қызметкерді «қателесіп» өлтіргенін мәлімдеді. Мұнымен қоса, 700-ден астам медицина қызметкері қаза тапты, Газа секторында азық-түлік көліктерін күтіп жүрген жүздеген адам аштықтан өлді.
Осы жайттардың бәрінде Израиль өз жауапкершілігін мойындамай, құрбандарды өз өліміне кінәлады.
Батыс Израильге адам өлтіру үшін қуатты бомбалар берумен қатар, жаһандық қысымды азайту үшін Газа халқына азық-түлік жіберіп жатыр.
Нәтижесінде Газа тек аш балалардың бейітіне айналмағанын, сонымен қатар Батыс өркениеті құндылықтарының зиратына айналғанын білу керек.
Дереккөзі: Kanj, Jamal. 2024. Gaza: The Donkey and the Fate of Western Civilization. Counterpunch.
