Равалпиндидегі Ислам өркениетіндегі әйелдердің рөлі туралы конференция; Ислам ілімдеріндегі әйелдің жоғары орны
ParsТoday- Иран Ислам Республикасы Мәдениет үйінің бастауымен «Ислам қоғамын оятудағы Хазірет Зейнабтың (ғ.с.) және Ислам өркениетіндегі әйелдердің рөлі» тақырыбында Пәкістанның Равалпинди қаласында кездесу өтті.
Ислам өркениетіндегі әйелдердің рөлі туралы конференция Иран Ислам Кеңесі өкілдері мен Пәкістан зиялылары, әйелдер мен мәдени белсенділердің қатысуымен өтті. Бұл конференцияда Ислам пайғамбарының (с.ғ.с.) немересі хазірет Зейнабтың (ғ.с.) тұлғасының түрлі өлшемдері және оның ислам құндылықтарын жаңғыртудағы ықпалы қарастырылды.
Иран Телерадио бірлестігі ақпарат агенттігінің хабарлауынша, бұл кездесуде сөз сөйлегендер хазірет Зейнабтың (ғ.с.) Ислам тарихындағы батылдық, құрбандық және көрегендік символы болып табылатынын және Ашура оқиғасынан кейінгі нұрлы сөздерімен Хусейн (ғ.с.) көтерілісінің хабарын жеткізуде және исламдық құндылықтарды сақтауда орталық рөл атқарғанын қуаттады. Сондай-ақ бұл кездесуде Ислам өркениетіндегі әйелдердің орны талқыланып, хазірет Зейнабтың (ғ.с.) ұлы тұлғасынан рух алған мұсылман әйелдерінің түрлі ғылыми, әлеуметтік және мәдени салаларда рөл атқара алатыны баса айтылды.
Бұл конференцияның спикерлері Ислам тағылымдарында әйелдердің жоғары орнын атап өтіп, Ислам өркениетіндегі әйел рөлін дұрыс көрсетудің маңыздылығына тоқталды.
