Ираннан келетін жүк транзитінің ұлғаюы, Канаданың жауап ретінде американдық тауарларға тарифтері
ParsToday - Қазақстанның Теһрандағы елшісі: «Иранның теміржол дәлізі жүктерді ашық су айдындарына тасымалдаудың ең қауіпсіз және ең жақын жолы болып табылады».
ParsToday: Иран және әлем жаңалықтарына шолу: Ираннан жүк транзитінің ұлғаюы, Трамптың тарифтік соғысының басталуы, Иранның ең жаңа зымырандық қаласының ашылуы, Данияда Құран Кәрімді тағы бір қорлау және АҚШ пен Мысыр президенттерінің Газа мәселесіне арналған келіссөздері.
Иран: Ираннан жүк транзиті 27%-ға өсті
Иранның Жол және қала құрылысы министрлігі жол әкімшілігі ұйымының транзиттік кеңсесінің бас директоры Джавад Хидаяти: «Соңғы 10 айда Иран арқылы автомобиль арқылы жүк тасымалы 15 миллион тоннаға жетіп, өткен жылдың сәйкес кезеңімен салыстырғанда 27 пайызға артты»,- деді.
Америка: Трамптың тарифтік соғысының басталуы
Америкалық тұтынушыларға қысымның күшеюі және энергетика, автомобиль, ағаш және ауыл шаруашылығы секторларына зиян келтіретіні туралы ескертулерге қарамастан, АҚШ президенті Дональд Трамп сенбіде Канада мен Мексикадан келетін импортқа 25% және Қытай тауарларына 10% баж салығын енгізді.
Америка: Канада жауап ретінде американдық тауарларға баж енгізді
АҚШ президенті Дональд Трамп Канаданың Америка Құрама Штаттарына экспортына 25% баж салығын жариялағаннан кейін, Канада премьер-министрі Джастин Трюдо жауап ретінде американдық импортқа 25% баж салығын жариялады.
Сионистік режим: Бен-Гвирдің Израильді Газамен соғысуға қайтару әрекеті
Израиль премьер-министрі Биньямин Нетаньяху кабинетіндегі отставкаға кеткен және қатал министр Итамар Бен-Гвир: «Израиль Газа секторымен соғысуға қайта оралуы керек» деді. Бен-Гвир бұдан бұрын Газадағы сионистік тұтқындарды тапсыру суреттерінің жариялануына реакция білдіріп: «Бұл суреттер осы уақытқа дейін болған оқиғалардың Израиль үшін жеңіс емес, толық жеңіліс екенін растайды»,- деп айтты.
Иран: Сақшылар корпусы «Қадр 380» жойғышқа қарсы қанатты зымырандарын таныстырды
Ислам революциясы Сақшылар корпусы Әскери-теңіз күштері күштердің жер астындағы зымыран базасында мың шақырымнан асатын қашықтығы бар «Қадр 380 жойғышқа қарсы» қанатты зымырандар қаласын таныстырды. Ислам революциясы Сақшылар корпусының бас қолбасшысы генерал Хұсейн Салами былай деді: «Зымыран қалаларының ашылуы – жаулардың есеп-қисаптарын дәлірек ету, дұшпандар өзіне де, өзгеге де қиындық тудыратын қателіктер жібермеуі үшін».
Еуропа: Данияда Құран Кәрімге құрметсіздік көрсетілді
Данияның әсіре оңшыл «Қиын жол» партиясының жетекшісі Расмус Палудан Ирак христианы Салван Момика қайтыс болғаннан бірнеше күн өткен соң Копенгагендегі Түркия елшілігінің алдына тағы да Құран Кәрімге құрметістік көрсетті. Швециядағы босқын Палудан бұған дейін өткен жылдың (2024) қаңтар айында Швеция астанасы Стокгольмдегі Түркия елшілігінің алдында Құран Кәрім кітабін өртеп жіберген. Оның әрекеті полицияның қорғауымен және Швеция билігінің рұқсатымен жүзеге асырылды.
Орталық Азия: Қазақстанның Теһрандағы Елшісі: Иранның теміржол дәлізі жүктерді ашық су айдындарына тасымалдаудың ең қауіпсіз жолы
Қазақстан Республикасының Теһрандағы Төтенше және Өкілетті Елшісі Оңталап Оңалбаев: «Иранның теміржол дәлізі жүктерді ашық су айдындарына тасымалдаудың ең қауіпсіз және ең жақын жолы болып табылады»,-деді.
