Американдық журнал Германияны ескертеді: халықаралық қауымдастықтың реакциясын күтіңіз
ParsToday - «Foreign Policy» журналының жазуынша, егер Германия Израиль режимінің қылмыстарына қолдау көрсетуін тоқтатпаса, жақын арада халықаралық соттарда бұл қылмыстардың сыбайласы ретінде танылатын болады.
Сыртқы саясат тұрғысынан Германия екінші дүниежүзілік соғыс пен Холокост кезінде бүлінген беделін бүгінде қылмыстық сионистік режимге қатысты ешқандай сынды қабылдамай, қалпына келтіруге тырысуда. ParsToday агенттігінің ISNA-ға сілтеме жасап хабарлауы бойынша, осы мақаланың авторы Германия үкіметінің сионистік режимді сөзсіз қолдауына тоқталып, Берлиннің сионистік қылмыстардан хабардар екенін, бірақ бұл туралы қоғамдық алаңда жарияламайтынын атап көрсетті. Бұл Германия үкіметін осы қылмыстарға қатысушы етті.
Foreign Policy басылымының хабарлауынша, сионистік режим кейбір халықаралық құқықтарды бұзған жағдайда неміс қаруларын қолданған. Бұл мақалада былай деп айтылды: «Германия қайраткерлері жеке топтарда сионистердің Газада қылмыс жасағанын мойындағанымен, Германия үкіметі басқыншы режимді қолдағаны үшін жауапкершілікке тартылмау үшін қоғамдық пікірді әдейі бақылауда ұстауда».
Стокгольмдегі халықаралық бейбітшілікті зерттеу институтының деректеріне қарағанда, Германия 2019-2023 жылдар аралығында Израиль режимі импорттаған ауыр қару-жарақтың шамамен 30 пайызын, оның ішінде Газадағы соғыста, сондай-ақ режимнің Ливан мен Сириядағы заңсыз басқыншылықтарында пайдаланылған броньды көлік қозғалтқыштарын қамтамасыз еткен.
2023 жылы Германияның Израильге қару экспорты алдыңғы жылмен салыстырғанда 10 есе өсті. Бұл қарулардың көбі, оның ішінде танкке қарсы 3000 зымыран мен 500000 патрон , 2023 жылдың 7 қазанынан кейін (Газада соғыс басталған), жөнелтілді.
Сауалнамаларға сәйкес, Германия халқының 60%-ға жуығы сионистік режимге қару-жарақ экспортының жалғасуына қарсы. Дегенмен, Германияның барлық ірі саяси партиялары режимге қару-жарақ экспортын жалғастыруды қолдады. «Foreign Policy» газеті ішкі наразылықтармен қатар Германияның сионистік режимге сөзсіз қолдау көрсетуінің жойқын салдарына тоқталып, Берлиннің Батыс Азия елдерімен қарым-қатынастары басқыншы режимнің қылмыстарынан қатты зардап шеккенін және Германияның жаһандық сахнада оқшауланғанын атап көрсетті.
Бұл ақпарат құралының хабарлауынша, Германия сионистік режиммен қарым-қатынасын байыпты түрде қайта қарап, халықаралық құқық аясындағы міндеттемелері мен бейбіт тұрғындардың өмірін қорғау және адам құқықтарын қорғаудағы моральдық парызының бұзылуына жол бермеуі керек, әйтпесе ол жақын арада халықаралық соттарда Израиль қылмыстарының серіктесі ретінде танылады.
