Путин растады: Иран мен Ресей стратегиялық серіктес болды
ParsToday – Ресей президенті Владимир Путин бұдан бұрын Мемлекеттік Дума мен Федерация Кеңесі (Ресейдің екі заң шығарушы органы) мақұлдаған өз елі мен Иран Ислам Республикасы арасындағы жан-жақты стратегиялық келісім туралы заңға қол қойды.
ParsToday ақпарат агенттігінің хабарлауы бойынша, 2024 жылдың 16 сәуірінде Иран президенті доктор Масуд Пезешкианның Мәскеуге сапары барысында екі елдің президенттері Кремль сарайында салтанатты жағдайда Иран Ислам Республикасы мен Ресей Федерациясы арасындағы жан-жақты стратегиялық әріптестік туралы келісімге қол қойды.
Бұл құжат Мәскеу мен Тегеран арасындағы ұзақ мерзімді перспективада ынтымақтастықты одан әрі дамытудың құқықтық негіздерін белгілейді. Бұл келісім Ресей мен Иранның стратегиялық серіктес ретіндегі қарым-қатынас деңгейін бекітеді және қорғаныс, терроризмге қарсы күрес, энергетика, қаржы, көлік, өнеркәсіп, ауыл шаруашылығы, мәдениет, ғылым және технологияны қоса алғанда, барлық саланы қамтиды.
Бұған дейін Мемлекеттік Думаның депутаттары мен Федерация Кеңесіндегі сенаторлар Ресей үкіметі ұсынған және президент қол қойған заң жобасын мақұлдады.
Путиннің осы заңға қол қоюымен Ресейде бұл келісімнің заңды процесі аяқталды.
Бұл шарттың жүзеге асырылуы екі елде де құқықтық процестің аяқталуына байланысты.
Иран Сыртқы істер министрі Сейед Аббас Арақчи Ресейге жақында жасаған сапары кезінде Russia Today арнасына берген эксклюзивті сұхбатында осыған қатысты сұраққа былай деп жауап берді: «Иран парламенті де алдағы күндері бұл келісімді бекітеді және менің ойымша, бұл келісім алдағы апталарда күшіне енеді».
Арақчи: «Ортақ қадам» жан-жақты бағдарламасы әлемге Иран мен Ресейдің ұзақ мерзімді ынтымақтастыққа ұмтылатыны және қысқа мерзімді мәселелердің бұл қарым-қатынасқа зиян тигізе алмайтыны туралы хабарлама жібереді. Сондықтан, осы шарттың жүзеге асуымен ынтымақтастығымыздың жолы нығайып, жылдамырақ ілгерілей түседі деп ойлаймын»,- деп мәлімдеді.
