Иран мен АҚШ арасындағы келіссөздердің төртінші раунды, ертең; Соғыс ортасында дипломатия
ParsToday - Оманның Сыртқы істер министрі өз жолдауында Иран мен АҚШ арасындағы жанама келіссөздердің төртінші кезеңін өткізу күнін жариялады.
ParsToday ақпарат агенттігінің хабарлауы бойынша, Оман Сыртқы істер министрі Бадр әл-Бусаид жұма күні әлеуметтік желідегі ресми Х парақшасында: «Иран және АҚШ-пен үйлестіруден кейін келіссөздердің төртінші кезеңі жексенбі, 11 мамыр күні Маскатта өтеді».- деп жазды.
Халықаралық ұйымдар: Газадағы гуманитарлық дағдарыс апатқа айналды
Үш халықаралық ұйым ашаршылық, аурудың өршуі және аштықтан болатын өлім-жітім туралы тағы да ескерту жасап, Израиль армиясының шабуылдарын дереу тоқтатып, қоршаудағы аймаққа гуманитарлық көмектердің кедергісіз кіруін талап еткенде, Израиль армиясы Газа секторындағы гуманитарлық көмек қоймасын бомбалады. Дүниежүзілік денсаулық сақтау ұйымы оның медициналық құралдарының азайып бара жатқанын және соңғы 65 күнде Газаға жаңа көмектің кірмегенін хабарлады.
Трамп АҚШ қазынашылығына Қытайға баж салығын төмендетуге рұқсат берді
Жұма күні маңызды сауда келіссөздері қарсаңында АҚШ президенті Дональд Трамп Truth Social хабар алмасу қосымшасында Қытай тарифтерін 80%-ға төмендетуге дайын екенін жариялады.
Пәкістан Үндістанға: Біз кез келген шабуылға жауап береміз
Үндістанның ішіндегі бірнеше нысанаға қарсы ағымдағы операцияларынан кейін Пәкістан кеше: «Шиеленісті одан әрі ушықтыруды көздеп отырған жоқпыз, бірақ Үндістанның кез келген жаңа шабуылы болған жағдайда біздің жауабымыз кеңірек болады және бұл жолы экономикалық инфрақұрылымды нысанаға аламыз»,- деп жариялады. Пәкістанның «Марсус операциясы» деп аталатын зымырандық операциясы Үндістан Пәкістанның кейбір әуе базаларына жаңа зымырандық шабуылдар жасағаннан кейін бірнеше сағаттан кейін басталды. Исламабад Үндістанның ішіндегі бірнеше негізгі базаларды жойып, елдің ұлттық электр желісіне кибершабуыл жасады деп мәлімдейді.
Сионистік БАҚ: Газадағы соғыс пайдасыз және оны дереу тоқтату керек
Сионистік Haaretz газеті жұма күні Израиль режимінің Газа секторына қарсы соғысы туралы былай деп жазды: "Бұл соғыс пайдасыз, оның моральдық және құқықтық шектеулер жоқ. Қазір министрлер кабинеті мен армияны соғысты дереу тоқтатуға қайта шақырудың дұрыс уақыты". Газет Израиль премьер-министрі Биньямин Нетаньяху кабинетіне былай деп жазды: «Соғысты тоқтатып, (сионистік) тұтқындарды босату және тұтқындарды айырбастау (Палестина қарсыласуымен) келісімге келу үшін жұмыс істеңіз».
